Eyrvör frá Hamrahóli.

Nú eru hross að koma í hús og járningar,útreiðar og gegningar taka völdin fram á vor.

Eyrvör frá Hamrahóli er fædd 2005 undan Sabrínu frá Hamrahóli og Akki frá Brautarholti,hún var hjá Hrefnu Maríu í mánuð sl. haust og kom fljótt til,viljug og jákvæð.Nú er hún komin á járn og við farin að þjálfa hana og gera tilbúna fyrir framhaldsnám

Þetta er Eldvar sem er undan Ósk frá Hamrahóli og Eldjárn frá Tjaldhólum,hann fæddist í ágúst og er frekar lítill en snaggaralegur með mikinn gang og fótaburð,hann er kominn í hús hjá okkur og dafnar vel.

Þetta er Glaðvör frá Hamrahóli undan Glettu frá Hamrahóli og Blævari frá Hamrahóli.Þetta er viljug hryssa með gott geðslag og allan gang,við erum byrjuð að þjálfa hana og verður gaman að ríða út í vetur ef hún þróast hér eftir sem hingað til. Nýjar myndir og fréttir af öðrum hrossum fljótlega.

Að lokum ein mynd úr fjárhúsinu.Falleg ásetnings lömb,hrútur og gimbur sem valin eru eftir mikið þukl og rökræður um ættir og útlit.