Hamrahóll er staðsettur í Ásahreppi í Rangárvallasýslu,skammt austan Þjórsár. Þar hafa síðan 1957 búið hjónin Tómas Steindórsson og Sigurbirna Guðjónsdóttir. Lengst af var stundaður hefðbundinn blandaður búskapur á Hamrahóli en nú eru þar eingöngu hross og nokkrar kindur. Fyrstu hryssur í eigu búsins voru af hornfirskum og gömlum sunnlenskum stofnum. Þessar hryssur gáfu mjög rúm og þolin reiðhross sem reynst hafa mjög vel bæði í leik og starfi. Nú á seinustu árum hefur verið lögð meiri áhersla á kynbótastarfið og
að rækta rúm, hreingeng og falleg reiðhross og hafa börn þeirra hjóna og tengdabörn flest komið að þessu starfi, þó einkum Guðjón og Valgerður. Frá Hamrahóli hafa komið nokkur mjög góð hross í kynbótadóm á síðustu árum og til eru efnileg unghross sem vonir eru bundnar við.Endilega hafið samband við okkur ef ykkur vantar frekari upplýsingar, við reynum alltaf að hafa ung og efnileg hross til sölu og vonandi hafið þið gaman af heimasíðunni, Með hestamannakveðju, Guðjón og Vala (s.6902846 - 6921058)