ÓSKUM ÖLLUM HESTAMÖNNUM NÆR OG FJÆR GLEÐILEGRA JÓLA OG MEGI NÝTT ÁR VERÐA OKKUR ÖLLUM GOTT OG GÆFURÍKT.

HITTUMST HRESS OG KÁT Á NÝJA ÁRINU,

JÓLAKVEÐJUR,

GUÐJÓN,VALA OG SIBBA.

Nú í skammdeginu er gott að skoða myndir frá liðnu sumri og gera sér grein fyrir því að aftur kemur vor að liðnum vetri. Hér eru systkynin Náttvar og Eyrvör að fagna tímabundnu frelsi eftir skólagöngu liðins vetrar.

Við fengum ánægjulegar fréttir frá Þýskalandi í vikunni þar sem að fjögur Blævars afkvæmi voru meðal 124 folalda sem voru á sýningu í norður héruðum landsins.Þau stóðu sig öll mjög vel og óskum við eigendunum innilega til hamingju með árangurinn. Anja Brychy sendi okkur þessar skemmtilegu myndir og þökkum við henni kærlega fyrir þær.

Nú eru þær hryssur sem verið hafa í stóðhestagirðingum hér og þar komnar heim,og allar fengnar.

Við notuðum fimm hesta,fjóra fulldæmda með góðar einkunnir og einn með góðan byggingardóm og mjög álitlega kosti.

Hróðvör og Glaðvör fóru í kynbótadóm á síðsumars sýningunni á Hellu.

Þær stóðu sig vel þó að haustið hafi sett mark sitt á þær líkamlega,en þær munu koma aftur að vori og þá vonandi í sínu besta formi.

Loksins að morgni 4 ágúst kastaði uppáhalds merin okkar hún Ósk .

Hróðvör og Glaðvör eru búnar að vera í þjálfun hjá Hrefnu Maríu og Jonna.Við fórum í úttekt á dömunum í síðustu viku og Hrefna sýndi okkur þær báðar.

Nina Helin sendi okkur þessa fínu mynd af Möndlu.

Vídalín stóð sig vel á Landsmótinu og hélt sínum einkunnum frá fordómi. Hann er með þrjár níur í hæfileikadóm, fyrir skeið, stökk og vilja og geðslag. Vídalín er nú kominn á æskuslóðir í Hamrahóli og tekur þar á móti hryssum. Á myndinni heldur annar ræktandinn í tauminn, stoltur af glæsileik folans unga.

4. vetra stóðhesturinn Stæll frá Neðra-Seli verður til notkunar í Hamrahóli í sumar. Stæll er litfagur og glæsilegur foli sem hlotið hefur 8,28 fyrir byggingu, þar af 8,5 fyrir höfuð, háls, samræmi og hófa. Stæll er undan gæðingnum Stála frá Kjarri og Spætu frá Hólum. Stæll var taminn í vetur og er gríðarlega efnilegur alhliða hestur, hágengur, geðgóður og mjúkur. Þeir sem hafa áhuga á að halda undir Stæl er bent á að hafa samband við Elku í síma 863-8813.